|
|
|
 Kva skil oss ut frå andre? Du finn fantastisk natur og spennande kultur mange stader i Hardanger, og i andre fjordområde, til og med andre bygder med same navn - så kva finn du her hjå oss som skil oss ut? - Som ein kvit juvel ligg Folgefonna nasjonalpark øvst oppe, med fjelltoppar mellom 15-1600 moh, dei høgaste nutane langs Hardangerfjorden.
- Nedover fjordsida ser du skogen gå over i eit lappeteppelandskap av mangfald i kulturlandskapet, miksa saman av fruktdyrking, åkerbruk og husdyrhald på dei minste gardsbruka i Noreg .
- Skredbygd nr 1 i Hardanger finn du her, der Aga og Bleie er verna med fantastiske byggverk etter skred i nyare tid.
- Unik busetnad med fleire klyngjetun, frå gammalt av plassert trygt mellom skredløpa, med det freda Agatunet som eit eineståande kulturminne i norsk målestokk.
- Av og til er Sørfjorden så blank og stille at alt dette spelar seg der. I båt på fjorden har ein ei flott oppleving av heile landskapet. Den er ned mot 400 m djup, går i nord - sør retning som gir ekstra god lysinnstråling, og har optimal brakkvasskvalitet for vekst av sjell og fisk.
- Likevel er Sørfjorden fri for oppdrettnæring. men fjorden er fiskerik , og har ei av dei få livskraftig sjøaurestamme våre, og eit av dei viktigaste område for brislingfiske i august
- Ingen masseturisme finst her, og ingen er planlagt, kun småskala tilbod, som gir ei god kjensle av at besøket her er ei autentisk oppleving.
- Fastbuande vert òg bergtekne ...
Sjå mange bilete i dei fire fotoalbuma - eit for kvar årstid
|
|
|
|
|
|
